अमळनेर लाईव्ह ट्रेंडस न्यूज प्रतिनिधी। अमळनेर तालुक्यातील एका गावात राहणाऱ्या चौदा वर्षीय अल्पवयीन मुलीला अज्ञात व्यक्तीने काहीतरी आमिष दाखवत फूस लावून पळवून नेल्याची घटना बुधवारी ४ जून रोजी पहाटे ३ वाजता समोर आली आहे. याप्रकरणी सायंकाळी ६.३० वाजता मारवड पोलीस ठाण्यात अज्ञात व्यक्तीविरोधात अपहरणाचा गुन्हा दाखल करण्यात आला आहे.
याबाबत अधिक असे की, अमळनेर तालुक्यातील एका गावात चौदा वर्षीय अल्पवयीन मुलगी ही आपल्या कुटुंबियांसह वास्तव्याला आहे. ३ जून रोजी रात्री पिडीत मुलगी ही आपल्या कुटुंबियांसह घरात झोपलेली होती. त्यावेळी अज्ञात व्यक्तीने तिला काहीतरी आमिष दाखवत फूस लावून पळवून नेले, हा प्रकार बुधवारी ४ जून रोजी पहाटे ३ वाजता समोर आला. तिच्या नातेवाईकांनी तिचा सर्वत्र शोध घेतला परंतू कोणतीही माहिती मिळाली नाही. अखेर तिच्या पालकांनी तिचा सर्वत्र शोध घेतला परंतू कोणतीही माहिती मिळाली नाही. अखेर मारवड पोलीस ठाण्यात धाव घेवून तक्रार दिली. त्यानुसार अज्ञात व्यकतीविरोधात सायंकाळी ६.३० वाजता अपहरणाचा गुन्हा दाखल करण्यात आला आहे. पुढील तपास पोहेकॉ सुनिल पाटील हे करीत आहे.
