पाचोरा- लाईव्ह ट्रेंड्स न्यूज प्रतिनिधी । दोन मोटरसायकलची समोरासमोर धडक झाल्याने या अपघातात एकाचा जागीच मृत्यू झाला तर एक जण जखमी झाला तर एक जण जखमी झाला आहे. घटना स्थळाचा पोलिसांनी पंचनामा करुन मयत व जखमी यांना रुग्णवाहिका चालक किशोर लोहार यांच्या मदतीने पाचोरा ग्रामीण रुग्णालयात दाखल करण्यात आले.
पाचोरा तालुक्यातील वेरुळी खुर्द ते बहुळा धरणाजवळ दोन मोटरसायकलची समोरासमोर धडक झाली. या अपघातात भगवान सुभाष पाटील (वय – ३८ वर्ष) रा. वेरुळी खुर्द ता. पाचोरा यांचा जागीच मृत्यू झाला. भगवान पाटील हे शेतातुन काम करुन घरी जात असताना वेरुळी कडुन वडगाव टेक कडे जाणाऱ्या विकास मांगो यशवद (वय – ३० वर्ष) रा. वडगाव टेक ता. पाचोरा यांच्या मोटरसायकलने भगवान पाटील यांच्या मोटरसायकलला जोरदार धडक दिली. या अपघातात भगवान पाटील यांच्या छातीला जबर मार लागल्याने त्यांचा जागीच मृत्यू झाला तर विकास यशवद हे जखमी झाले आहेत.
मयत भगवान पाटील यांना रुग्णवाहिका चालक किशोर लोहार यांच्या मदतीने पाचोरा ग्रामीण रुग्णालयात दाखल करण्यात आले. भगवान पाटील यांना डॉ. विजय पाटील यांनी मृत घोषित केले. घटनेप्रकरणी पाचोरा पोलिस स्टेशनमध्ये अपघाताची नोंद करण्यात आली आहे. मयत भगवान पाटील यांचे पाश्चात्य वृद्ध आई, पत्नी, एक मुलगा, एक मुलगी, एक भाऊ असा परिवार आहे
