अमळनेर लाईव्ह ट्रेंडस न्यूज प्रतिनिधी । अमळनेर येथील पत्रकार आणि सामाजिक कार्यकर्ते समाधान एकनाथ मैराळे यांना नुकतीच दिल्ली येथे मानद डॉक्टरेट पदवी प्रदान करण्यात आली. हरियाणा येथील मॅजिक आणि आर्ट विद्यापीठाने शनिवारी १४ जून आयोजित एका विशेष समारंभात हा सन्मान दिला.
निवडीची प्रक्रिया
या मानद पदवीसाठी विद्यापीठाने मागील महिन्यात विविध क्षेत्रांमध्ये उल्लेखनीय कार्य करणाऱ्या व्यक्तींकडून प्रस्ताव मागवले होते. त्यातून पात्र ठरलेल्या देशभरातील अनेक व्यक्तींची निवड करण्यात आली, ज्यात महाराष्ट्रातील दोन व्यक्तींचा समावेश होता. या दोघांमध्ये जळगाव जिल्ह्यातील अमळनेर येथील समाधान मैराळे यांचाही समावेश होता.
महाराष्ट्राचे प्रतिनिधी मैराळे
निवड झाल्यानंतर, १४ जून रोजी दिल्लीत झालेल्या कार्यक्रमात देशभरातील सुमारे ३८ जणांना मानद डॉक्टरेट पदवीने सन्मानित करण्यात आले. मैराळे यांना ही पदवी सर्वोच्च न्यायालयाचे वकील डॉ. राम अवतार शर्मा आणि दिल्ली पोलिसातील अधिकारी किरण सेठी यांच्या हस्ते प्रदान करण्यात आली. या प्रतिष्ठेच्या पदवीबद्दल समाधान मैराळे यांच्यावर सध्या सर्व स्तरांतून अभिनंदनाचा वर्षाव होत आहे.
